Աբրամ Արխիպով

Նկարիչ Աբրամ Եֆիմովիչ Արխիպովը ռուսական գյուղացիական ժանրում բանաստեղծական ուղղության ներկայացուցիչ է: Նրա գրեթե բոլոր աշխատանքները նվիրված են գյուղացիական թեմային և ռուսական գյուղին: Այս փաստն էլ բացատրում է Ռյազանի նահանգի աղքատ գյուղական ընտանիքից սերած նկարչի կենսագրությունը, կենսագրությունը մի մարդու, որը հարազատացել էր գյուղին:
Աբրամ Արխիպովը պերեդվիժնիկների (Գեղարվեստական շրջիկ ցուցահանդեսների ընկերության անդամների) կրտսեր սերնդի կամ այսպես կոչված ուշ պերեդվիժնիկների ներկայացուցիչներից է:
Նա Ռուսաստանում համբավ է ձեռք բերել 1880-ականների վերջին, 1890-ականների սկզբին: Այդ ժամանակաշրջանին է վերաբերում Արխիպովի «Կապույտ վերնաշապիկով տարեց գյուղացին» աշխատանքը, որը Երևանի Ռուսական արվեստի թանգարանում ներկայացված է «Լիճը» (1913) բնանկարի և 1920-ականներին ստեղծված «Երիտասարդ գեղջկուհին (կինը պատուհանի մոտ)» մեծ կտավի հետ միասին: Այս կտավը նախահեղափոխական տարիների երիտասարդ պերեդվիժնիկներին հատուկ դեկորատիվ իմպրեսիոնիզմի վառ օրինակ է:
Ա. Արխիպովը Ռուսական արվեստի թանգարանում (պրոֆ. Ա. Աբրահամյանի հավաքածու)
«Կապույտ վերնաշապիկով տարեց գեղջուկը», 1890-ականթթ.
«Լիճը», 1913
«Երիտասարդ գեղջկուհին (Կինը պատուհանի մոտ)», 1920-ականթթ.