Ա. Վ. Շևչենկոն նկարիչ և գծանկարիչ էր, արվեստի տեսաբան և մանկավարժ: Նա հարել է ռուսական ավանգարդի հիմնադիրներից Միխայիլ Լարիոնովի և նրա կնոջ՝ Նատալյա Գոնչարովայի խմբին: Նրանք դարձել են «Էշի պոչ» գեղարվեստական խմբի և նույնանուն ցուցահանդեսների կազմակերպիչները: Դա նեոպրիմիտիվ նկարիչների խումբ էր:
Ալեքսանդր Շևչենկոյի նատյուրմորտը պրոֆ. Աբրահամյանի հավաքածուից բաղկացած է XX դարի սկզբի նկարիչների համար ավանդական առարկաներից` ծաղկամաններ, ափսեներ, շշեր, մրգեր և հաց:
«Լվացարարուհիներ» փոքր նկարը 1917 թվականի «Բնանկար լվացարարուհիներով» նկարի տարբերակն է, որը պահվում է Պետական Տրետյակովյան պատկերասրահում:
1920-ականների վերջին, 1930-ականների սկզբին, նկարչի ճանապարհորդությունների արդյունքում, նրա ստեղծագործությունը հարստացել է նոր, արևելյան մոտիվներով:
Ա. Վ. Շևչենկոն Ռուսական արվեստի թանգարանում (պրոֆ. Ա. Աբրահամյանի հավաքածու)
«Լվացարարուհիներ», 1920-ական թթ.
«Աջարիա: Ծխախոտի չորացում», 1933
«Նատյուրմորտ»