Ալեքսանդր Օսմյորկին

Ա. Ա. Օսմյորկինը «Ագուռի զինվոր» միավորման երիտասարդ անդամներից էր, որն իր աշխատանքները ցուցադրել է միայն այս ընկերության ցուցահանդեսներից մեկում:
Նրա գործերը պահվում են բազմաթիվ թանգարաններում, ներառյալ՝ Երևանի Ռուսական արվեստի թանգարանում: Օսմյորկինը քնարական ոճի նկարիչ է:
Այո, Օսմյորկինը պոեզիայի մեծ սիրահար և նուրբ գիտակ էր: Նրա կուռքը Ա. Պուշկինն էր: Սիրահարվելով մեծ բանաստեղծի երկերին՝ նա ճանապարհորդել է պուշկինյան վայրերով և ստեղծել մի շարք նկարներ, որոնք միավորված են «Պուշկինի շարք» ընդհանուր անվամբ: Այդ շարքից մեր թանգարանը ներկայացնում է 1928 թվականին ստեղծված «Գետը և մարգագետինները»:
1920-ական թվականները Ա. Օսմյորկինի ստեղծագործության լավագույն տարիներն էին: Այս ժամանակաշրջանի նրա լավագույն նկարներից է «Գետի մոտ. Ջրաղաց» գործը պրոֆ. Ա. Աբրահամյանի հավաքածուից: Վերոնշյալ բնանկարներում թե՛ առարկաները, թե՛ օդը և թե՛ ջուրը բաղկացած են մեկ գեղանկարչական համաձուլվածքից:
Ա. Օսմյորկինի ուշ շրջանին պատկանող և մեր թանգարանում գտնվող «Ղրիմ. ճանապարհ դեպի ծով» և «Առագաստներ. բնանկար երեկոյան լույսով» գործերը նույնչափ հագեցած են գունային էներգիայով, ամբողջական են և ավարտուն:
Ա. Օսմյորկինի շատ բնանկարներում առկա է Պոլ Սեզանի բնանկարների ազդեցությունը:
Ա. Օսմյորկինը Ռուսական արվեստի թանգարանում (պրոֆ. Ա. Աբրահամյանի հավաքածու)
«Գետի մոտ. Ջրաղաց», 1925
«Գետը և մարգագետինները», 1928
«Ուռիներ. բնանկար իրիկնային լույսով», 1938
«Ղրիմ. ճանապարհ դեպի ծով», 1939