Արիստարխ Լենտուլով

XX դարի սկզբին ռուսաստանցի շատ բանաստեղծներ, նկարիչներ, ռեժիսորներ և կոմպոզիտորներ տենդագին որոնումների մեջ էին: Նրանք փորձարարություններ էին կատարում, որոնում նոր ձևեր և ինքնարտահայտման նոր ուղիներ: Այսպիսի համարձակ փորձարարներից էր նաև Արիստարխ Վասիլևիչ Լենտուլովը՝ մոսկովյան «Ագուռի զինվոր» միավորման առաջատար դեմքերից մեկը:
«Ագուռի զինվորի» անդամներն ազդարարեցին իրենց մուտքը 1910 թ.։
Արիստարխ Լենտուլովը Պենզայի նահանգից էր, որտեղ ծնվել է գյուղական քահանայի ընտանիքում։ Մեկնել է Պետերբուրգ, 1910-ին տեղափոխվել էր Մոսկվա և մշտապես մնացել այնտեղ:
Ճիշտ է, շատ կարճ ժամանակ նա սովորել և աշխատել է Փարիզում՝ կուբիստ Անրի լը Ֆոկոնիեի արվեստանոցում: Լենտուլովը հետաքրքրվել է կուբոֆուտուրիզմով: Այդուհանդերձ, նրա բազմաթիվ գործերում զուտ ռուսական շատ բան կա:
«Երեխաները պարտեզում» և «Բնանկար ծառերով» գործերը նկարվել են 1918-ին, կտավի վրա, յուղաներկի տեխնիկայով: Այս նկարներում մենք տեսնում ենք փոքր երկրաչափական պատկերներ, որոնք կազմում են կոմպոզիցիա և տալիս են իրական տեսարանի պատկեր:
Նկարչի սիրված թեմաներից մեկը հին ռուսական ճարտարապետությունն է: 1920-ականներին նա վերադարձել է ճարտարապետական ​​մոտիվներին՝ ամենից հաճախ ստեղծելով Զագորսկի, ավելի ուշ՝ Մոսկվայի բնանկարներ:
«Սարայ. Զագորսկ» աշխատանքը (1922) նկարչի դուստր Մարիաննա Լենտուլովան նվիրել է պրոֆեսոր Արամ Աբրահամյանին, որի հավաքածուն հաճույք ունեք դիտելու մեր թանգարանում:
«Նավահանգիստ» և «Նիժնի Նովգորոդ. Կրեմլ» նկարները Լենտուլովի վաղ գործերից են, թվագրված համապատասխանաբար 1909 և 1911 թվականներով: «Նավահանգիստ» նկարում նկատելի է նեոպրիմիտիվիզմի ազդեցությունը: Սա մի պարզ պատմություն է այն մասին, թե ինչ է կատարվում ծովի ափին և ջրի վրա: «Նիժնի Նովգորոդում» պատկերված է Կրեմլը`Ռուսաստանի հնագույն քաղաքների կենտրոնական մասը:
Ա. Վ. Լենտուլովը Ռուսական արվեստի թանգարանում (պրոֆ. Ա. Աբրահամյանի հավաքածու)
«Նավահանգիստ», 1909
«Նիժնի Նովգորոդ. Կրեմլ», 1911
«Բնանկար ծառերով», 1918
«Երեխաները պարտեզում», 1918
«Սարայ. Զագորսկ», 1922
«Յալթա»