Իլյա Մաշկով

«Ագուռի զինվոր» գեղարվեստական ​​միավորման հիմնադիրներից մեկը Իլյա Իվանովիչ Մաշկովն էր: Նրա մոտ ավելին, քան միավորման մյուս անդամների մոտ, մեծ է կապը իրերի «մարմնականության» հետ: Նրա մեջ շատ է տարերային ուժն ու բուռն գրոհը: Նրա գործերն ընդգծված կերպով դեկորատիվ են: Երկու ժանրում` նատյուրմորտում և մերկ կին մոդելի պատկերման մեջ, հետևողականորեն իրականացվել են այս հատկանիշները:
1916-ին ստեղծված «Մրգեր և հատապտուղներ» նատյուրմորտը, որը ներկայացված է Ռուսական արվեստի թանգարանում, պատկանում է վարպետի բարձր թռիչքի ժամանակահատվածին: Այստեղ, ինչպես նրա նատյուրմորտների մեծ մասում, կտավի կենտրոնական մասը նշանավորվում է առավել ցայտուն շեշտադրումներով, իսկ կտավի եզրերի մոտ դեկորատիվ լարվածությունը թուլանում է: Նկարիչը նաև զգալ է տալիս ծաղկամանների և ափսեների կլորությունը, որոնցում կան կարմիր-կանաչ-մանուշակագույն ուտելի պտուղներ:
1904-ին Ի.Մաշկովը Մոսկվայում հիմնել է դպրոց-ստուդիա, որը շնորհալի երիտասարդներին պատրաստել է Մոսկվայի նկարչության, քանդակագործության և ճարտարապետության ուսումնարան ընդունվելու համար:
Ի. Ի. Մաշկովը Ռուսական արվեստի թանգարանում (պրոֆ. Ա. Աբրահամյանի հավաքածու)
«Մրգեր և հատապտուղներ», 1916
«Բնորդուհի»
«Մերկ մոդել»