Կոնստանտին Կորովին

Կոնստանտին Ալեքսեևիչ Կորովինը համարվում է առաջին ռուս իմպրեսիոնիստը: Արվեստաբան Դմիտրի Սարաբյանովը գրել է. «Կոնստանտին Կորովինը ի սկզբանե ոտք է դրել իմպրեսիոնիզմի ճանապարհին և մնացել է այնտեղ մինչև իր օրերի վերջը»:
Հատկապես «իմպրեսիոնիստական» են Կորովինի բազմաթիվ փարիզյան տեսարանները:
Կորովինը սիրում էր նկարել երեկոյան և գիշերային Փարիզը, որը փայլում էր լապտերների գույնզգույն լույսերով, պայծառ լուսավորված ցուցափեղկերով և զբոսնող ամբոխի գունագեղ զգեստներով:
Կորովինի կտավներից շատերը, ինչպես և մեր թանգարանում ներկայացված նատյուրմորտը, ասես իրենց մեջ կլանել են լույսը, ուրախությունն ու արևը: Կոնստանտին Ալեքսեևիչն ասում էր. «Արվեստը պետք է ուրախություն պատճառի մարդկանց», և հաստատում էր դա իր վառ ու հարուստ գույներով:
Կ. Ա. Կորովինը Ռուսական արվեստի թանգարանում (պրոֆ. Ա. Աբրահամյանի հավաքածու)
«Փարիզ», 1908
«Ամառային օր», 1913
«Նատյուրմորտ», 1916
«Կնոջ դիմանկար», 1917
«Օխոտինո» Էտյուդ, 1918
«Օխոտինո» Էտյուդ, 1920
«Ձմեռային բնանկար»