Միխայիլ Նեստերով

Միխայիլ Վասիլևիչ Նեստերովը մոսկովյան գեղանկարչական դպրոցի ներկայացուցիչ է: Եղել է Մոսկվայի գեղանկարչության, քանդակագործության և ճարտարապետության դպրոցի սան: Նեստերովը ծնվել և մանկությունն անցկացրել է Բաշկիրիայում, Ուֆա քաղաքում:
«Ակսակովի հայրենիքում» նկարը նա ստեղծել է հայրենի Բաշկիրիայում, 1923 թվականին: Այն կոչվում է «Ակսակովի հայրենիքում», քանի որ այնտեղ է ծնվել հայտնի գրող Սերգեյ Տիմոֆեևիչ Ակսակովը: Վերջինիս ստեղծագործություններից էր «Ընտանեկան տարեգրություն» ինքնակենսագրական գիրքը, ինչպես նաև որսի մասին գրքեր։ Ակսակովը ռուս բնության սրտահույզ բանաստեղծ էր: Եվ Նեստերովի կտավում բնությունը «մեր առջև հառնում է «մաքրագործված», օժտված վիպականությամբ, անվրդով հանգստությամբ»: Լեռան հետևում տեսանելի է տաճարը: Եվ ճգնավոր վանականը, որը գնում է այնտեղ: Եվ ճանապարհը, որը տանում է տաճար:
Միխայիլ Նեստերովը մեծացել է խիստ հավատացյալ առևտրական ընտանիքում: Այս հանգամանքն իր հետքն է թողել Նեստերով նկարչի ստեղծագործության վրա: Իր կյանքի շուրջ 22 տարին նա նվիրել է եկեղեցական սրբապատկերների և որմնանկարների ստեղծմանը: Նա նկարազարդել է Մոսկվայի Մարթա-Մարիինյան վանքը, Աբասթումանի (Վրաստան) Ալեքսանդր Նևսկու եկեղեցին և այլ սրբավայրեր:
Բոլշևիկյան հեղափոխությունից հետո արվեստում կրոնական թեմաներն արգելվեցին: Եվ Նեստերովն անցավ դիմանկարներին և ստեղծեց գիտության ու մշակույթի հայտնի գործիչների խորը և խիստ բնութագրական դիմանկարների մի ամբողջ պատկերասրահ:
Մ. Վ. Նեստերովը Ռուսական արվեստի թանգարանում (պրոֆ. Ա. Աբրահամյանի հավաքածու)
«Գորով», 1906
«Կատերինա Նեստերովա» Էտյուդ, 1919
«Ակսակովի հայրենիքում», 1923