Մստիսլավ Դոբուժինսկին

Մստիսլավ Վալերիանովիչ Դոբուժինսկի՝ նկարիչ, գծանկարիչ, թատերական նկարիչ, «Արվեստի աշխարհ» ստեղծագործական միավորման անդամ, քաղաքային բնանկարի վարպետ:
Պետերբուրգ, Մոսկվա, Վիլնյուս, Լոնդոն, Նեապոլ՝ այս քաղաքներով է անցել Դոբուժինսկու ողջ ստեղծագործական ուղին:
Երևանի Ռուսական արվեստի թանգարանում Մստիսլավ Դոբուժինսկին ներկայացված է «Ապակե փողոցը » նկարով (1911): Սա Վիլնոյի (Վիլնյուս քաղաքի անվանումը մինչև 1939 թվականը) գեղատեսիլ փողոցներից մեկը պատկերող քաղաքային տեսարան է: Լիտվայի մայրաքաղաքի Հին քաղաքի նեղ ու ոլորապտույտ փողոցն իր անվան համար պարտական ​​է քաղաքի այս հատվածում հիմնադրված ապակու գործարանին:
Նկարը ստեղծված է խառը տեխնիկայով՝ ջրաներկ, գուաշ, պաստել և ածուխ, որն իր նկարչության մեջ հաճախ է գործածել քաղաքի հոգեբանն ու բանաստեղծը՝ նկարիչ Մստիսլավ Դոբուժինսկին:
Մ. Վ. Դոբուժինսկին Ռուսական արվեստի թանգարանում (պրոֆ. Ա. Աբրահամյանի հավաքածու)
«Ապակե փողոցը» , 1911
«Երեկոյան բնանկար» , 1915