1907 թվականին Մոսկվայում տեղի է ունեցել «Կապույտ վարդ» արվեստի խմբի միակ ցուցահանդեսը, որին մասնակցել է նաև Մոսկվայի գեղանկարչության, քանդակագործության և ճարտարապետության դպրոցի շրջանավարտ Սերգեյ Սուդեյկինը:
Նա թատրոնի տիրապետության մեջ էր, և գեղարվեստական կյանք մտնելու առաջին իսկ քայլերից գրավել է թատերական գործիչների ուշադրությունը:
Ձեր դիմաց «Ֆիգարոյի ամուսնությունը» կատակերգության բեմադրության դեկորների ու հագուստների էսքիզներն են՝ կատարված տեմպերայով, ստվարաթղթի վրա: 1915-ին Մոսկվայի Կամերային թատրոնի բեմադրիչ, ռեժիսոր Ալեքսանդր Յակովլևիչ Թաիրովը բեմադրել է Պիեռ-Օգյուստեն Բոմարշեի «Ֆիգարոյի ամուսնությունը» հայտնի ստեղծագործությունը: Բեմադրության նկարիչը Սերգեյ Սուդեյկինն էր: Այս բեմադրությունը նրան հնարավորություն է տվել խորասուզվել 18-րդ դարի Ֆրանսիայի, մարկիզների և դիմափոշով պատված կեղծամների դարաշրջանը:
Թատրոնից զատ, Սուդեյկինի ստեղծագործական գործունեության մի պայծառ էջն էլ Սանկտ Պետերբուրգի «Թափառական շուն» և «Կոմեդիանտների դադարք» գեղարվեստական կաբարեների համար ստեղծած աշխատանքներն են:
Սերգեյ Սուդեյկինի «Պետրուշկա» կտավը պատկերում է թափառական տիկնիկային թատրոնն ու նրա սակավաթիվ հանդիսականներին: Տիկնիկները խաղում են փոքր բեմում, տղամարդը հարմոնիկա է նվագում, իսկ կոմպոզիցիայի կենտրոնում Պետրուշկան է՝ ռուսական ժողովրդական տիկնիկային ներկայացումների գլխավոր հերոսը: Նման ներկայացումներ Ռուսիայում կազմակերպվել են ժողովրդական տոնախմբությունների ժամանակ:
Բոլշևիկյան հեղափոխությունից հետո Սերգեյ Սուդեյկինը տեղափոխվել է Փարիզ, այնուհետև՝ Միացյալ Նահանգներ:
1923-ին նկարչի աշխատանքները ներկայացվել են Բրուքլինի թանգարանում և Քարնեգի» ինստիտուտում (Փիթսբուրգ) կայացած ցուցահանդեսներում: 1929-ին նա անհատական ցուցահանդես է ունեցել Չիկագոյի Արվեստի ինստիտուտում, այնուհետև մի շարք անհատական ցուցահանդեսներ Նյու Յորքի և Լոս Անջելեսի մասնավոր պատկերասրահներում: Նկարչի կյանքի վերջին տարիներն անցել են հիվանդության և կարիքի մեջ:
Ս. Յու. Սուդեյկինը Ռուսական արվեստի թանգարանում (պրոֆ. Ա. Աբրահամյանի հավաքածու)
«Պետրուշկա», 1915
Ձևավորման էսքիզ Պ. –Օ. Բոմարշեի «Ֆիգարոյի ամուսնությունը» կատակերգության բեմադրության համար, 1915
Ձևավորման էսքիզ Պ. – Օ. Բոմարշեի «Ֆիգարոյի ամուսնությունը» կատակերգության բեմադրության համար, 1915
Զգեստների էսքիզ Պ. – Օ. Բոմարշեի «Ֆիգարոյի ամուսնությունը» կատակերգության բեմադրության համար, 1915