Սիրելի այցելուներ
Ապրիլի 17-ից համեցեք Ռուսական արվեստի թանգարան (պրոֆ. Ա. Աբրահամյանի հավաքածու) վայելելու Ա. Բախրուշինի անվան պետական կենտրոնական թատերական թանգարանի հետ համատեղ բացված «Գեղանկարչությունը բեմում» ցուցահանդեսը:
Ցուցահանդեսին կներկայացվեն Արամ Աբրահամյանի հավաքածուում տեղ գտած տասներեք թատերական էսքիզ:
Ցուցադրվող ութ հեղինակները 19-րդ դարի վերջի - 20-րդ դարասկզբի հայտնի ռուս նկարիչներ են. Ա. Բենուա, Ն. Բենուա, Ա. Գոլովին, Ն. Ռերիխ, Ս. Սուդեյկին, Ն. Սապունով, Վ. Շուխաև, Վ. Շուխաևա: Վերջիններս լինելով գրաֆիկայի, բնանկարի, դիմանկարի և նատյուրմորտի վարպետներ ՝ նաև թատրոնի տաղանդավոր նկարիչներ էին, ովքեր նոր մակարդակի բարձրացրեցին թատերական և դեկորատիվ արվեստը:
Ցուցադրության գիտատեղեկատու ապարատում լայնորեն օգտագործվել է գրական նյութեր. գեղանկարիչների ինքնակենսագրական գրառումներից և օրագրերից:
Ա. Բախրուշինի անվան պետական կենտրոնական թատերական թանգարանի տրամադրած փաստավավերագրական (ֆոտո) նյութերը առավել խորն են բացահայտում վերը նշված դարաշրջանի թատերարվեստը :
