2021թ. սեպտեմբերի 25-ին ժամը 16:00 Ռուսական արվեստի թանգարանում (պրոֆ. Ա. Աբրահամյանի հավաքածու) տեղի կունենա «ԼՅՈՒԲՈՎ ՊՈՊՈՎԱ․ ԱՎԱՆԳԱՐԴԻՍՏԸ ՆՈՎԻՆՍԿԻ ԾԱՌՈՒՂՈՒՑ» ցուցահանդեսի բացման արարողությունը։
Ցուցահադեսը կազմակերպվում է «ԵՊՐՈՊԱԿԱՆ ԺԱՌԱՆԳՈՒԹՅԱՆ ՕՐԵՐ»-ի շրջանակում։
Պրոֆեսոր Ա. Աբրահամյանի հավաքածուի հիման վրա ձևավորված Ռուսական արվեստի թանգարանի առաքելություններից մեկն էլ ժամանակակից հավաքորդների հավաքածուներում պահվող ստեղծագործությունները լայն հանրությանը ներկայացնելն է։
Ցուցահանդեսում ներկայացված են ռուս հայտնի հեղինակի երկու անհայտ աշխատանք՝ Վ. Ասծատրյանի հավաքածուից։
Վարդան Ասծատրյանը ծագումով Արցախից է, արցախյան երեք պատերազմների մասնակից, հավաքորդ, տնտեսագետ, իրավաբան, միջազգային իրավունքի մասնագետ, գործարար, Շուշիի գորգերի թանգարանի հիմնադիրը (2011)։ Պոպովայի ստեղծագործությունները ստացել են «Տարածական-ուժային կառուցվածքներ» անվանումը: Դրանց կոմպոզիցիայի հիմքում հորիզոնական և ուղղահայաց կամ թեք գծերն են, որ կարծեք, կախված են վերացական տարածության մեջ:
Առավել ուշագրավ են Լ․ Պոպովայի կուբիստական ստեղծագործությունները, որոնք մարդկային կերպարներով կազմված կոմպոզիցիաներ են: