2024թ. հունիսի 4-ին Պետական Տրետյակովյան պատկերասրահում տեղի ունեցավ «Մոսկվա-Երևան-Մոսկվա» ցուցահանդեսի բացման հանդիսավոր արարողությունը` նվիրված Ռուսական արվեստի թանգարանի հիմնադրման 40 և հիմնադրի` պրոֆեսոր, բժիշկ, ԽՍՀՄ աշխատանքային հերոս, Մոսկվայի պատվավոր քաղաքացի Արամ Աբրահամյանի 125- ամյակներին:
Ցուցահանդեսը, որում ներկայացված է Ռուսական արվեստի թանգարանի հավաքածուի յուրահատուկ ընտրանին կտևի մինչև 2024թ օգոստոսի 12-ը: Այն նպատակ ունի մոսկովյան արվեստասեր հանրությանը ներկայացնելու թանգարանը, բացահայտելու բժիշկ-կոլեկցիոների հավաքածում առկա հայտնի նկարիչների աշխատանքները:
Ցուցահանդեսը կյանքի կոչվեց երկու թանգարանների համատեղ բեղուն աշխատանքի շնորհիվ, այն միջպետական, միջթանգարանային համագործակցության կարևոր դրսևորում է և փաստում է երկու ժողովուրդների դարավոր ընկերությունը։